حبيبي طال بعدك واعترف لك ما قدرت انساك
اموت بنظرتك واحيا على ترميشة اهدابك .
. انا ما لي امل غيرك وبالحيل اعشقك واهواك
احبك لو تفارقنا وشدت عني اركابك .
. قويت البعد عني يوم انا مااقوى على فرقاك
وطاوعت العذول اللي خذك عني وقفا بك .
. قفلت الباب في وجهي وانا مدري وش اللي جاك
ترفق يا حبيب الروح واحذر ينخلع بابك .
. وانا مدري نسيت برغبتك والا الزمن نساك
وصرت اتمركنك جاهلٍ ما تعرف احبابك .
. انا يا نور عمري ما اعرف ايام العنا لولاك
همومي واشتياقي كل ما فيني من اسبابك .
. اذا كان الفراق الحل فارقني وانا اتحداك
لاني عارفٍ بعدي ترى محدٍ بيرضى بك .
. واذا فيها امل بانسى عذابي واقتحم دنياك
وليتك بعدها ترضى تقابلني بترحابك .
. حبيبي لي طلب واحد وكل اللي تبيه فداك
دخيلك حن واحملني مثل ما تحمل ثيابك .
. ابي احيا معك وان مت خذني ميتٍ وياك
انا خايف اموووت بحسرتي لو طول غيابك .
.. (علي بن سعود) . .
الرئيسية 
الأحد أكتوبر 30, 2011 7:22 pm
